შეფასების რუბრიკა.

	1-2	3-4	5-6	7-8	9-10
ჟანრობრივად ანსხვავებს მუსიკალურ ნაწარმოებებს	ვერ ანსხვავებს ჟანრობრივად მუსიკალურ ნაწარმოებებს	უჭირს განასხვავოს სხვადასხვა მუსიკალური ჟანრი	ნაკლებად არჩევს მუსიკალურ ჟანრებს.	ნაწილობრივ ანსხვავებს სხვადსხვა ჟანრის მუსიკალურ ნაწარმოებებს.	ზედმიწევნით კარგად ანსხვავებს სხვადასხვა ჟანრის მუსიკალურ ნაწარმოებებს.
ფლობს სანოტო სისტემას.( ნოტები, გრძლიობები)	არ იცის ნოტები	უჭირს ნოტების განლაგება სანოტო სისტემაზე	ნაკლებად ანსხვავებს გრძლიობებს და ერევა ნოტები ერთმანეთში	ნაწილობრივ ანსხვავებს გრძლიობებს და იცის ნოტები.	სრულად ფლობს ,როგორც სანოტო სისტემას ასევე გრძლიობებს.
მღერის სხვებთან ერთად და დამოუკიდებლად. მონაწილეობს სხვადასხვა ღონისძიებებში.	ვერ მღერის სხვებთან ერთად და დამოუკიდებლად.	უჭირს სიმღერა, არ მონაწილეობს სხვადასხვა ღონისძიებებში	ნაწილობრივ მღერის სხვებთან ერთად. არ მონაწილეობს ღონისძიებებში.	მღერის სხვებთან ერთად,მონაწილეობს ღონისძიებებში. ვერ მღერის დამოუკიდებლად.	მღერის სხვებთან ერთად და დამოუკიდებლად. აქტიურადაა ჩართული სხვადასხვა ღონისძიებებში.
საშინაო დავალება	არ ასრულებს საშინაო დავალებას.	ავიწყდება ხშირ შემთხვევაში საშინაო დავალების შესრულება.	მეტ-ნაკლებად ასრულებს საშინაო დავალებას.	არასრულყოფილად ასრულებს საშინაო დავალებას.	ზედმიქევნით სწორად და სისტემატიურად ასრულებს საშინაო დავალებას.
პრეზენტაცია	ვერ საუბრობს სალიტერატურო ენათ,არ იყენებს მუსიკალურ ტერმინებს, არ აქვს პრეზენტაციის უნარი.	პრეზენტაციის დროს არ იყენებს მუსიკალურ ტერმინო;ოგიას. უჭირს კომუნიკაცია.	ნაკლებად იყენებს მუსიკალურ ტერმინოლოგიას, ცდილობს პრეზენტაციის გაკეთებას.	მეტ-ნაკლებად ფლობს გამართულ სალიტერატურო ენას, მუსიკალურ ტერმინებს,სრულყოფილად არ აქვს წარმოდგენილი პრეზენტაცია.	სრულყოფილად საუბრობს გამართული სალიტერატურო ენით, იყენებს მუსიკალურ ტერმინებს,აქვს კომუნიკაციის უნარი, რაც ეხმარება პრეზენტაციაში.

შეფასება მუსიკაში

შეფასების კომპონენტები

საშინაო და საკლასო დავალებათა კომპონენტები

ფასდება შემდეგი ცოდნა და უნარები:

• მუსიკალური ხელოვნების ნასწავლი ნიმუშების ცოდნა;
• მუსიკის ისტორიისა და თეორიის ზოგადი საკითხების ცოდნა;
• მუსიკალური დამწერლობის ცოდნა;
• მუსიკალური ტერმინოლოგიის ცოდნა;
• მუსიკალურ-კომპიუტერული პროგრამების ცოდნა;
• შემოქმედებითობა;
• იმპროვიზაციულობა;
• მუსიკის მოსმენის ჩვევა;
• მუსიკალური სმენა;
• მუსიკალური მეხსიერება;
• რიტმის გრძნობა;
• წარდგენის (პრეზენტაციის) უნარი;
• სოციალური უნარები;
• საკუთარი აზრის დასაბუთების უნარი;
• ტოლერანტობა.

ცოდნა და უნარ-ჩვევები ფასდება შემდეგი აქტივობებით:

საშინაო დავალებები

• მასალის მოძიება;
• რეფერატის მომზადება;
• რეცენზიის დაწერა;
• ტექსტის (ლიტერატურული და სანოტო) დასწავლა;
• დავალების შესრულება მუსიკალურ-კომპიუტერული პროგრამის გამოყენებით და ა. შ.

საკლასო დავალებები

• შემოქმედებით საქმიანობაში მონაწილეობა: სიმღერა, იმპროვიზაცია, მუსიკალურ-დრამატულ კომპოზიციები, მუსიკალურ-კომპიუტერული პროგრამების შექმნა;
• კონცერტის, წარმოდგენის რეპეტიციებში მონაწილეობა;
• პროექტის მომზადება;
• მუსიკის მოსმენა და ამასთან დაკავშირებული დავალებების შესრულება;
• საკუთარი და სხვისი შესრულების / შემოქმედების  განხილვაში მონაწილეობა;
• მუსიკალური ნაწარმოების კონტექსტის განხილვა; 
• სხვადასხვა აქტივობის დაგეგმვა და მომზადება;
• საკუთარი ნაშრომის, შემოქმედებითი საქმიანობის წარდგენა;
• სხვადასხვა  დავალების  შესრულებისას მუსიკალური  დამწერლობის  გამოყენება და ა. შ.

შემაჯამებელი დავალებების კომპონენტი

შემაჯამებელი დავალების კომპონენტი უკავშირდება სწავლა-სწავლების  შედეგს. ამ კომპონენტში უნდა შემოწმდეს ერთი სასწავლო მონაკვეთის (თემა, თავი, პარაგრაფი, საკითხი) შესწავლა-დამუშავების შედეგად მიღწეული შედეგები. კონკრეტული სასწავლო ერთეულის დასრულებისას მოსწავლემ უნდა შეძლოს მუსიკის სტანდარტით განსაზღვრული ცოდნისა და უნარების წარმოჩენა. შესაბამისად, შემაჯამებელი დავალებები უნდა ამოწმებდეს მუსიკის  სტანდარტებით განსაზღვრულ  შედეგებს.

შემაჯამებელ დავალებათა  ტიპები: 

სტანდარტის მოთხოვნათა დასაფარად, რეკომენდებულია შემაჯამებელ დავალებათა მრავალფეროვანი ფორმების გამოყენება. მუსიკის შემაჯამებელ დავალებათა ტიპები შეიძლება იყოს:

• კონცერტი/ წარმოდგენა;
• ვიქტორინა;
• მოხსენება-რეფერატი;
• ლექცია-კონცერტი;
• პრეზენტაცია;
• ტესტირება;
• გამოცდა;
• პროექტი.

მოსწავლის მიერ შესრულებული პროექტის სავარაუდო თემები:

თემატური წარმოდგენის/კონცერტის გამართვა; ტელეგადაცემის, რადიოგადაცემის, სპექტაკლის მომზადება; გაზეთის, ჟურნალის, სანოტო ალბომის მომზადება; კლიპის გადაღება სიმღერის, მუსიკალური ნაწარმოების ან სხვა თემაზე; სკოლაში ცნობილი კომპოზიტორის, მომღერლის, რეჟისორის მიწვევა, შეხვედრის ორგანიზება და წარმართვა და ა. შ.

მოთხოვნები, რომლებსაც უნდა აკმაყოფილებდეს შემაჯამებელი დავალებები

• დავალების თითოეულ ტიპს უნდა ახლდეს თავისი შეფასების ზოგადი რუბრიკა;
• ზოგადი რუბრიკა უნდა დაზუსტდეს კონკრეტული დავალების პირობისა და განვლილი მასალის გათვალისწინებით;
• 10 ქულა უნდა გადანაწილდეს რუბრიკაში შემავალ კრიტერიუმებზე;
• მითითებული უნდა იყოს სტანდარტის ის შედეგები, რომელთა შემოწმებასაც ემსახურება შემაჯამებელი დავალება.

ნიმუში: მუსიკალური ნაწარმოების გაცნობა თანაკლასელებისთვის 

მოამზადეთ პრეზენტაცია და გააცანით თქვენს თანაკლასელებს ინსტრუმენტული კონცერტის  ნიმუში. ამისათვის:

1. მოიძიეთ, მოისმინეთ და შეარჩიეთ დასახელებული ჟანრის ის მუ­სიკალური ნა­წარ­მო­ე­ბი, რო­მე­ლიც  მოგეწონათ;
2. თქვენი მიზანია შერჩეული მუსიკალური ნაწარ­მო­ების თანაკლა­სე­ლე­ბისთვის წარდ­გე­ნა და მათი დამოკიდებულების გამოწვევა;
3. შეარ­ჩიეთ და გააცანით თანაკლასელებს ის ფრაგ­მენ­­­ტები, სადაც  ძირითადი თე­მა­ტური მასალა ჟღერს როგორც სოლო საკრავთან, ასევე ორკესტრის პარტიაში; ასე­ვე ის მონაკვეთები, სადაც მუსიკალური მასალის განვითარება განსაკუთრებით საინ­ტე­რე­სოდ გეჩვენებათ;
4. მოიძიეთ ფაქტობრივი მასალა შერჩეული ნაწარმოების შესახებ -  ეპოქა, სტი­ლი, კომ­პო­­ზიტორი, ნა­წარმოები (ჟანრი, სტილი, სოლო საკრავი, შემსრულე­ბელთა შემადგენლობა), შემს­რულებელი, დირიჟორი, შემს­რულებელთა კოლექტივი, დარბაზი (სურ­­ვილის მიხედვით);

• ეცადეთ, ისე გადაანაწილოთ მუსიკალური და ვერ­ბა­ლური მასალა, რომ მოსწავ­ლეების მხრიდან არ განელდეს ინტერესი. საჭიროებისამებრ გამოიყენეთ ვიზუალური მა­სალაც - ვიდეო ჩანაწერი, ფოტო, სანოტო ტექსტი;
• პრეზენტაციის დროს, როგორც მოსა­ლოდ­ნე­ლია, შერჩეულ ნაწარმოებთან დაკავ­ში­რე­ბულ ყვე­ლა საკითხს დაწვ­რილებით ვერ განიხილავთ. ეცადეთ, თქვენს მეგობრებს მოკ­ლედ გა­აც­ნოთ  ნაწარმოებთან დაკავშირებული ძირითადი ინ­ფორმაცია. პრე­ზენ­ტა­­ციის მომზადებისას გაითვალისწინეთ მა­თი ინტერესები, ცოდნა; ყურადღება გაა­მახ­ვილეთ იმ სა­კითხებზე, რომლებიც ხელს შეუწყობს თქვენი მეგობრების მხრიდან ნა­წარ­­მო­ების  მი­მართ ინტერესის გაღვიძებას და მის უკეთ აღქმას;
• მო­ემ­ზადეთ პრეზენტაციის ბოლო ნაწილის - კითხვა-პასუხისათვის. წინასწარ  გან­საზღ­ვრეთ სავარაუდო კითხვები და ჩამოაყალიბეთ პასუხები. არ მოერიდოთ პარა­ლე­ლების გავლებას. პასუხი, შესაძლებელია, მუსიკალური მასალითაც გასცეთ.  აქ გა­მოვ­ლინდება, რამდენად კარგად ფლობთ მასალას;
• ტექ­­ნი­კური საკითხების მოსაგვარებლად დაიხმარეთ ასისტენტი.

კრიტერიუმები 

1. მასალის ფლობა;
2. კომუნიკაცია;
3. საორგანიზაციო საკითხები;
4. შემოქმედებითობა.

1. მასალის ფლობა (ცოდნა და  უნარები) 0-3

• მოთხოვნის ადეკვატური მუსიკალური ნაწარმოების შერჩევა;
• ძირითადი თემატური მასალის (მთავარი და დამხმარე თემები) ამსახველი  მუსიკალური ფრაგმენტების შერჩევა;
• მრავალფეროვანი ინფორმაციის წარდგენისას ნაწარმოებთან დაკავშირებული სხვადასხვა საკითხის წარმოდგენა;
• კითხვებზე ამომწურავი პასუხის გაცემა.

 2. კომუნიკაცია 0-3

• მუსიკალური ნაწარმოების მიმართ საკუთარი დამოკიდებულების წარმოჩენა;
• მასალის აუდიტორიისთვის მისაწვდომი სახით წარდგენა და დაინტერესება;
• ინფორმაციის ნათლად, გასაგებად გადმოცემა;
• კითხვებზე პასუხის გაცემისას დაზუსტება.

3. საორგანიზაციო საკითხები 0-1

• ტექნიკური საკითხების მოგვარება.

4. შემოქმედებითობა  0-3

• ნაწარმოებთან დაკავშირებული ინფორმაციიდან გადარჩევა და თანაკლასელებისთვის გაცნობა;
• გამოსვლისას მასალის (აუდიო, ვიზუალური, ვერბალური) მონაცვლეობის  დაგეგმვა;
• ნაწარმოების მიმართ საკუთარი დამოკიდებულების გამოხატვა.